سامحيني حبيبتي

سامحيني..
روحي من تسمع ضحكتج..
تنكسر وتفيض عيني

سامحيني،،
ومن احط راسي اعلا متنج
يسمع الميت ونيني

سامحيني
من يثور الهوى بكلبي
وينتفض يصرخ حنيني
انا كل ايامي صعبه.
.انا دمعه انا غربه
انا ياسمره عراقي
وحزني مكتوب بجبيني

سامحيني
بيج اشمن ريحت اهلي
وتنزل دموعي مزن
وانكسر جن عود يابس
مارحم بيه الزمن

سامحيني
من اغنيلج قصيده بكلبي
خنكتها المحن

سامحيني
ومن اسولفلج سوالف
كلها الام وشجن..

سامحيني
من اشوف الناس
كل الناس غربا
وانتي اشوفنج وطن
فاركاني كليبي كوه
وراح يم بابج سكن..
عاشر الصفنات كلها وانتضر منج تجيني
سامحيني

» تلك حبيبتي
» كل عام وأنتِ حبيبتي
» رسالة إلى حبيبتي
» بكرهك يا من كانتي حبيبتي