عشرتك ماني عقب فرقاك ناسيها

الدمعه اللي تعذبني وتفضحني
ياليتني عن عيون الناس مخفيها

ماكنت ابي حد ,, يلمحها ويفهمني
ولا يعرف وش مضايق عين راعيها

ياللي دموعي على شوفتك تسبقني
عشرتك ماني عقب فرقاك ناسيها

ياكثر تطري على بالي ,, وتسعدني
وياكثر مابكي على الفرقا وطاريها

والله محد(ن) عن اغيابك معوضني
العين عيّت تخلي من سكن فيها

والوحده اللي من افراقك تحاصرني
يشهد علي خالقي ماني بـ قاويها

من يوم ربي كتب تبعد وتتركني
والنفس ما عاد اواطنها وادانيها

انت اول انسان في حبه ,, تملّكني
واغلا ,, من اقصى البشر ,, عندي وداااانيها

من جيت .. احس الزمن ودّه يفرّحني
ومن غبت ,, احس يقصد احزاني ويعنيها

لو كنت داري معك مالله موفقني
لا كنت قبل آخذ اجروحي ,, مخليها

اذكرك ,, وابكي على حظ(ن) معاندني
وارد واضحك على نفسي واسليها

من كثر ماضرّني بعدك وجنني
الناس ماقمت اناديها بساميها

تدري بعد صدّتك ,, وشهو مخوّفني
حاجه ,, لها مدّه ابصدري محاتيها

هل زلت ,, تذكر محبتنا ,, وتذكرني ,؟؟
والا مثل ,, ما مجافيني ,, مجافيها

[ندعوك للتسجيل في المنتدى أو التعريف بنفسك لمعاينة هذه الصورة]

يستحق التقيم

[ندعوك للتسجيل في المنتدى أو التعريف بنفسك لمعاينة هذه الصورة]

مشكوووور اخي على الطرح الرااااااائع
جزاك الله خيرااا