وين أنت ياللي كل ماقرب الليل

قصيدتي بعنوان : وين أنت؟

وين أنت ياللي كل ماقرب الليل

يلفي خيالك وأسهرك للصباحي

مل الخفوق ومل شوق المواصيل

وينك؟ تعبت وهاجسي ماأستراحي

أسأل عليك الليل وأقول ياليل

متى تجيب اللي يضمد جراحي

من النكد ومن القلق والغرابيل

لاني بمجنون (ن) ولاني بصاحي

تعبت واتعبني ولاعاد بي حيل

لكن تعب تفكير لاتقول طاحي

ياليل قبل تروح قله بتفصيل

عليه وجه الله يطلق سراحي

قله يجي يروي عروق مماحيل

واغفر له اللي صار وأقول راحي

واذا يعاندني عناد المهابيل

والله لأهبل فيه لو كان صاحي

واني لأسوي فيه كل التهاويل

واقول له هذا من ابسط مزاحي

واعطيه أمل واحسسه بالمقابيل

من العطش يشرب هماج وملاحي

واليا نشف دمه وذوقته الويل

وضيقت صدره من جميع النواحي

وخبلت فيه وصار ضمن المخابيل

تركته لحاله كسير الجناحي

ماله سوى بالليل غير المواويل

يشمت بنفسه عقب ماكان صاحي

واللي زرع له شوك يجني المحاصيل

ومن يقطف الازهار له عطر فاحي

[ندعوك للتسجيل في المنتدى أو التعريف بنفسك لمعاينة هذه الصورة]

موضوع رائع يعطيك الصحة
تقبل مروري

زائر

الله يعطيك العافيه
موضوع رااااااااااااااائع

» اسير في الليل
» لماذا تكثر الذنوب في الليل؟
» صورة الخط الفاصل بين الليل والنهار.سبحان الله !!!
» فتاة حائلية .. تختفي عن أهلها في وقت متأخر من الليل والأم تنهار والأب تدمع عيناه فرحا