الا ياللي جرحت القلب ثم زدت الطعون طعـون
[ندعوك للتسجيل في المنتدى أو التعريف بنفسك لمعاينة هذه الصورة]لك الله ما ذرف دمـع العيـون الا علـى شانـك
صحيح الجرح من غيرك على قلبي تـراه يهـون
ياشين الجرح من خل ٍ عزيـز ٍ صنتـه وخانـك
انا اللي كنت احبك حب مثـل الهايـم المجنـون
وانا اللي كنت اغار اصلا عليك اكثر من اخوانك
وانا اللي كنت احسبك حبيبي وسط هـذا الكـون
وانا اللي كنت اشيل هموم قلبك وابعـد احزانـك
وانا اللي كنت اشوفك فوق والعالـم ولا يسـوون
واحب اللـي تحبونـه واعـادي كـل عدوانـك
وانا اللي كنت اداري خاطرك وادللـك بالهـون
ولا اصـدق كـلام الا كـلام ٍ ينطـق لسـانـك
وانا اللي كنت اشوف من البشر مليون لون ولون
ولا افكـر احـب انسـان لان القلـب مسكانـك
وانا اللي كنت اقول الشعر ابك والناس ما يدرون
كتبـت بـدم شريانـي ولا هـو بـدم شريانـك
عطيتك حبي الصادق مشيت اعمى بـدون عيـون
عطيت احساس شاعر يعزف اوتاره على الحانك
احسبك معي صادق على وضح النقا مـا تخـون
على العهد القديم اللـي معـاي وبـرت بايمانـك
وحسبت اني حكمت احساسك الكاذب واثره ضنون
والحين مسحت اسمك على رقمك وعنوانك ..
المزاج